FILOLOGI

IDENTIFIKASI NASKAH LONTAR

INDIK BRATA

OLEH :

NI MADE SUARDIANI

09.1.7.1.1.3270

PENDIDIKAN BAHASA DAN SASTRA AGAMA

PENDIDIKAN BAHASA BALI

Identifikasi Naskah Lontar

1.      Judul Naskah                                     : Indik Brata

2.      No. Naskah                                        : 62

3.      Tempat Penyimpanan                         : Pusat Dokumentasi Naskah

4.      Asal Naskah                                       : Ida Gedhe Catra, ring baya, Amlapura

5.      Keadaan Naskah                                : Utuh (satu lembar terakhir dalam keadaan kosong)

6.      Ukuran Naskah

-          Panjang                                        : 40 cm

-          Lebar                                            : 3,5 cm

-          Ukuran ruang tulisan                    : 34 cm x 3 cm

7.      Tebal Naskah

-          Jumlah lembar                              : 11 lembar

-            Halaman yang ditulisi                 : 10 halaman (ditulisi dari halaman 1b-10b sedangkan satu lembar terakhir kosong )

8.      Jumlah Baris                                       : 4 baris

9.      Huruf/aksara/tulisan                           : Aksara Bali

10.  Ukuran  dan benruk huruf                

-          Ukuran                                         : Besar

-          Miring                                          : Miring

-          Tulisan                                          : Jelas

11.  Cara penulisan naskah lontar             : Bolak-balik

12.  Bahan Naskah                                    : Daun Lontar

13.  Bahasa Naskah                                   : Bahasa Jawa Kuna

14.  Bentuk Teks                                       : tutur

15.  Umur                                                  : 23 tahun

16.  Identitas Pengarang/ Penyalin           : I Ketut Sengot

17.  Asal-Usul Naskah                              : Koleksi Pusat Dokumentasi Naskah.

18.  Fungsi Sosial Naskah                         : sebagai Pedoman dalam melaksanakan Brata

19.  Iktisar/Ringkasan                               : Lontar ini menceritakan tentang macam-macam Brata. serta menjelaskan makanan yang dimakan pada saat melaksanakan brata dan dewa-dewa yang dipuja pada saat melakukan brata.

20.  Kalimat Awal                                     : “Om Awighnamastu. Indik Brata. Nihan tutur pabrata yan saha tapanya mwang yoga, japa, mantra, tan madon rehnya iki………….

21.  Kalimat akhir                                      : ………….Sinurat saha nelah I Ketut Sengot saking desa Pidpid Kaler Dauh margga wargga Pasek, Kalurahan Pidpid, Kecamatan Abang, Kabupaten Karangasem. Ithi Rontal Indik Brata.

ALIH AKSARA LONTAR

1b. Om Awighnamāstu. Indik Brata. Nihan tutur Pabrata yan saha tapanya mwang yoga, japa, mantra, tan madon rehnya iki. Hana brata angeka śūnya, nga, saha tapa, yoga, mantra, tan parewang, tan hana mangan we, skul, 11, semayanya, maturu ring lemah rikala hangenakna brata, pa, katon mulaning sanaktā ring bhuwana, kanging sor, kanging luhur, kang ring Madhya, wwang ya kinonkon denta, sakahyun tamakon haryya muwah yan tepet denta tan angrașa lapa, tan angrașa kasatan, ri tkaning pati, pa, mulihing swargganya Hyang Sūnya nirmmala, amoring widhi, tan pawalya muwah anjadma.

2a. muwah hana Brata nama wiņdhu, nga, saha tapa, yoga, japa, mantra, tan parewang, tan hana mangan we skul, ya, dina samayanya, maturu ring lemah, yan tepet denta, pa, katon sakwehning pati, mulih ring swargganira Sang Hyang Siwa, Brāhmā, nga, muwah hana brata, hānyapta sūnya, nga, saha tapa. yoga, mantra, tan parewang, hana mangan we, skul, 1ā, dina samayanya, maturu ring lemah. yan tepet denta, pa mulih ring swargganira Sang Hyang Sapta Reși. Reși, nga, urip bhuwana. Muwah hana brata, Tri śūnya, nga, saha tapa, Yoga, japa, mantra, tan parewang, tan hana mangan

2b. we, skull, 0, dina samayanya, maturu ring lemah, yan tepet denta, pa, kinasihaning Hyang Tigajnaņa. yan tkaning pati mulih ring swargga nira Sang Hyang Siwa ganggā Muwah hana Brata angeka bhūmi, nga, saha tapa,yoga, japa, mantra, tan parewang, amangan skul, 10 kepel, sinuddha 1, sari-sari, 10, dina samayanya. ri tlasning skul ikā, tan amangan serahina. Amūrwwa ni brata ikā, mangkana ring dimabu, ka, wara dungulan, panlasning brata, ring wngi, śa ka, kuningan. Muwah yan kala hangangen akna brata, maturu ring carapapan tan parewang. Yan amangan we juga wwang makarwa ning sgo ikā. yan tepet de-

3a. nta, abrata mangkana, mulih maring swargganira Sang Hyang Tunggal. Muwah hana brata catur wibhawa, nga, saha taoa, yoga, japa, mantra, 37, samaya ning brata, ameņdhem tasik uku segegem ring jroning umah ta, ring wngi, neher sira angupawa sa, 2, dina, huwus ikā malabuha sira ring wngi, amangan pisang juga wnang mwang we, 2, wngi. Tan amangan ring rahina. Muwah ikā wus mangkana, muwah sira amangan skul ring wngi, 4, wngi, tan amangan ring rahina, sakahyun ta amangan skul ulam anginum. huwus ikā, neher sira anambu ta kālā pūrņnama, amangan sgo, 15 kepel tan paiwak, tan patasik, tan amangan sar-

3b. wwa phala, sarwwa wija, pisang wwang. Sgӧ ika sinundha, 1, tkang tilem. muwah angupawașa, 1, rahina, 1, wngi. Tang, 1, muwah amangan skul, 1, kepel tkang tilem, tambu hana, 1, kepel sari-sari, 30, dina samayanya, pūrņnama pūrwwaning brata, pūrņnama tlasning brata. muwah rikalanta ameņdhem tasik, yan sira maturu wngi ring gwaning pamendeman ikā, tan parewang, maturu ring lemah juga katkaning samayaning brata, 7, wngi huwus ika, soring carapcapan, 30, dina samayanya, pūrnnama purwwaning brata, pūrnnama tlasing brata. Muwah rikalanta amendhem tasik, yan sira maturu wngi ring gwaning pamendeman ikā, tan parewang, maturu ring lemah juga katkaning samayaning brata, 7, wngi huwus ika, soring carapcapan, 30, dina. yan tepet denta abrata ka ya mangkana, pa kasihan sira dening Ardhanareswari, masung anugraha ring dewanta, ameta sar-

4a.  wwa wibhawa, īrikang bhuwana, pa, tan kurang palā sarwwa bhoga ūpabhoga. Muwah hana brata manca wara, nga, ulahnya manut ring panca wara, yan, U, 5, kepel denta amangan serahina, mapralingga Hyang Iswara. Yan pa, 9 kepel denta amangan, mapralinggā Hyang Brāhmā. Yan pon, 7 kepel denta amangan, mapralinggā Hyang Mahādewa. Yan wa, 4 kepel denta amangan, mapralinggā Hyang Wișņu. Yan ka, 8, kepel denta amangan, mapralinggā Hyang Siwa. Yan tepet denta abrata ka ya iki, pamundur sakweh hing wighnā lara ning sarira, muwah kinasi-

4b.  ha ning Hyang Panca Reși. Len sangke skul ikā, wnang amangan sarwwa rondon sarwwa pala, sanganan, yan amangan marep lor, marep wetan. Muwah hana brata saraswati, nga, ulahnya tan amangan sarwwa minyak minyak phala gantung, phala bungkah, ri kala wngi, pa, kinasihaning śastra, mwang rașanya, tan winarah. Muwah hana brata jagra sadha, nga, yan sirā wungu, tan wnang muwah aturu, pa, kinasihaning Hyang Sadhasiwa, muwah pa, mahā śakti, wak siddhi, wiśesa mwang kinaweddhyaning sarwwa wighnā, sarwwa dușțā, deșți dūrjjana. Nihan mantranya yan kalantā angangen aken brata, angeka sūnya rehnya

5a.  sari-sari, ma, sadyot karanti pinutar, ping 112, pinara, 7 sāhasa anakta, 4, mwang sanakta kang roro, kenta ya angrakșa śariranta, kabeh sungan asgeh dening amŗttā mtu saking kuņdha maņik. Muwah ikang brata nawa wiņdhu sapta reși, tri śūnya, rehnya mwang mantranya, padha lawan Eka śunya. Tlas. Angeka bhūmi, ma, A, ung  sa ba ta i, Ong nama Siwaya, Ang Ung, Mang A Ung, tlas, rehnya sari-sari. Catūr wibhawa, rehnya kayahiki, dudut sanakta kang, 4, karuhun  lawan ibu bapa, kamwantaha mantra iki, ma, yadnyankar  șanikaryani, șwe-

5b.  ta wastram sapsap dyan, wasat ang wasat, ducyate, A ung wasat namah swaha. Dwi pantara gatah batwa, duras tancani kalitah, sam prapta rāja druwenakam, sadhat wasadha konatah. tlas. panca wara, yan kala, U, ma, A Ung nemu Iśwara yenamah. yan pa, mā, A Ung nemu Brāhmā ye namah, Yan pwa, ma, A Ung nemu Mahādewa ye namah. yan wa, ma, A Ung nemu Wișņu ye namah. tlas rehnya meh amangan meh aturu. Saraswati, ma, tutur away lali, wara akna awak kumudha, war sang hyang kapi lali, tka-

6a.  sang hyang kaparinget tka inget O, ati matanku. Tlas rehnya sari-sari, meh taha tangi. Jagra sadha, pa, sakahyun, ri huwusing anudut sanakta kabeh mwang ibu bapa. Ma, prawradam bodha sibuta, jala sampurita sarit, tyanta jala winyanti, tilo manca ikra pyate. tlas. dulurnya Siwa Mūrtti. Muwah śabdha śakti ngaran, ma, ma, A Ung, ping, 15, Ung sabdhnya, Ong ya A ya, ya ta ya, ya jaya ma jaya A ta, ya jaya, ya A Ung. Tlas. Muwah katatwanya, muwah ikang sakwehing brata, tapa, yoga japa mantra kabeh, mala makanya dharma juga. Dharmma

6b.  nga, tri kaya parisuddha, banga, amati krodha, lobha, treșņa Ika kabeh padha kinukud mareng lyang, yan tan mangkana, nisphalā sakwehing tapa, bratanta, muwah yoga, japa, mantranta. Tlas. Muwah yan sira mahyun mangulahaken brataning angeka śūnya lumekasta sira abrata śri dhanta karuhun nișțanya, 1000, dina, madyanya, 7 tahun, ūttamanya 10 tahun, Uttamaning inuttama, 20 tahun. yan angaluwihin ișți madya uttama, 30 tahun. Yan tepet denta abrata kaya iki, katmu rașaning māwak tpawak sari-sari, ya, nga, amo ring widhi, sakala anmuniș-

7a.  kala, ya, nga. ņirbana acintya, ya, nga, tan karaketan ring sarwwa ya ring bhuwana, muwah ri pati nta, nga, ring utusing atmu bapa ibunta ring sarwwa anggā, mwang pātmuning ala ayu, suka duhka, sekala nișkala, bayu lawan angga, ikayya, nga, mati. Ya sangkaning dewa asih ri sira masunga anugraha sasin adyaning wwang abrata atapa, ya tikā dumehnya, akweh nggwaning mati sajroning urip. Hana mati ring nișkala, nga, sajroning utek, pa, tan karaketa ring sarwwa bhawa. hana mati ring Sūryya Candra, nga, netra karo, ngaranika. Pa, wruh waspadha ri satingkah kramaning bhuwana. Hana mati ring jambu dwipa, nga sika aghra-

7b.  pa, wruhing śarīra. Hana mati ring karnna, nga, sūryya wangsa, pa, wruh ring rasaning śabdhaning hyang. Hana mati ring Iśwaralaya, nga ring idhep pa śakti . Hana mati ring Wișņu loka, nga bāyu, pa, buddhi pradnya, wiweka, wruhing deya. Hana mati ring brāhmā loka, nga, sabdha, pa, matutha linyus ring śesining bhuwana. Hana mati ring samudra, nga, Baruņalaya, nga, wteng, wruh ring sānaning sarwwa ngga. Hana mati ring Sambu dewa, nga, jajaringan, pa, lyang sadha kala. Hana mati ring Maheśwara laya, nga, paparu, pa, sucining sarwwa angga. Hana mati ring ludra loka, slaning payu paștā, pa, isatwehing adi mala. Hana mati ring bhuwana,

8a. nga, nabhi, pa langgeng lyang apdhang. Mangkana ulahing wwang mati ri sang huwus jneking brata saha tapa. Yan tepet dentya, katmu juga ya waspadha duking ahurip, yan tan mangkana, tan dadi ngaraning brata mwang tapaning wwang, sadagawe mogna nisphala, kewala salisuhing dadi. yang Katmu kayā uja ring śāstra iki, tulya hyang ngaluwini nișța Madhya uttama, ya, nga, angliwati, lintang suryya candra, tan raketing tri mala, dasa mala, apan sakala anmu nișkala, ya, nga, suka byu dhaya, suka saking mangke katka ring wkas, nga. Ri panlas, ya, nga, manușā maka angga dewa, apan paragā sari-sari, tan kalubeng rā-

8b.  hina kulem kewala suci sadha, ulihnya dadi dewa lewih ya, nga, mulihing sangkan, ya, nga, wruhing dadi, apan maka uriping bhuwana, amreddhwa aken sarwwa ayu, mangkana palaning wwang jenek ring brata saha tapa. wah mulih, nga. Palanya, swargga, nga, ayunya. Iśwaralaya, nga ayuning lyang pupusuh. Maheśwara, nga, lemesning paparu. Brāhmā loka, nga, lyaning ati. Ayuning rah daging. Wișņu bhawana. nga, suci wening ampru . Mahādewa loka, nga, tisning Ungsilan ayuning otot. Sangkara laya, nga, lemesning limpa, mangulahaken bayu mareng nabhi. Ludra loka, nga ayuning Sang Hyang Kuņ-

9a.  dhalini. Sambu dewa, nga, ayuning ulahing bayu, sakeng jajaringan. Siwa lokā, bungkaning ati. Baruņa laya, nga, weteng. Niskala, nga, saluhuring kakulungan. Sakala, nga, sasoring kakulungan. Ya, nga, bhuwana rwa ujaring sang putusing tapa brata. Bhuwana, nga, sarwwangga. Mwah naraka, nga, osah prapanca, bedak prahpah, tan tyaga, tan jnek alungguh, tan jnek aturu, akwehing ngayam-ayamnya, ya, nga, naraka. Mwah swarggā, nga, langgӧng, anunggaling citta, kewalya lyang apadhang, mānut ujaring śastrādi, dewa paragā, mawak śūnya nirmmala, tan patalu tuh, ya, nga, swargga.

9b.  Mwah bhatara, ba, nga, palanya, țā, nga, waspadhanya, ra, nga, Sang Hyang Tri Purușa, nga, waspadha ning tiga mangke, duking aurip katon sira mangke denta. Mwah dewa, nga, lyang apadhang, ya, nga, makāngga dewa. Lwang, nga, Padha, nga. waspadha manon. Nga, waspadha manon. nga, nggwaning dewa nwasanghā, manuti Hyang tunggal. Nawasanghā, nga, bang putih , bang, kuning, ireng, biru, dhadhu, kuraņța, syama, biru ungu. Hyang tunggal nga, wwading dewa kabeh, manunggaling gni toya. Mwang śuryya, nga bayu, huwus manunggaling śarīra, ya, nga, huwus tasak tapa brataning wwang, sujan maring bhuwana tan hana mwah.

10a. Mwah atma, nga, ati sekala. antar atma, tan hana sekala nișkala. nișkala atma, nga, ati apupul ring śiwa, dwara. Mwah rūpaning atma, kadi gni ring pralayamama wanawa teja. Mangkana katon de sang wruh. Mwah rūpaning Swarggā, katon de nira sang tapa , tulya antiganing sarwwa maha antiga. Mwah rūpaning kawah maireng tulya. megha hamawahudan karaņe sang wruh, yan katon de nira maireng aluhur, mahuwusan sira mayoga, pina ayu nira mwah tan wreddha ya nira, apan wipa tang teja mangkana, warņnan nira, mangajaraken lara roganing sang mahā brata. ya hetu nikā

10b. Mwah mangeka citta, winih nira lumimbu keng tutur nira prakaśa. Saha citta nirmmala, mahneng ba hning, pinaka pangilanganing sakwehing lara roga durbbalaning angga nira mwang ring bhuwana. Tlas tan hana mwah. aywa wera aywa cuwuh, yen tan sanek atum, putran atum aywā, yan sira wera. tan siddha palanya. babonya drewen Ida Gedhe Catra, tusning Dalem anom pamahyun, saking jro kanginan silulut mangkin malinggih ring baya, Amlapura. Puput sinurat mandhun ring dina, sa, pa, wara warigadyan, thithi, tang, ping, 10, śaśih karo, rah 1, teng 1,Iśakā, 1911. tanggal masehi 12 agustus 1989. Sinurat saha nelah I Ketut Sengot saking deśa pidpid kaler dauh marga warga pasek, kalurahan pidpid, kecamatan abang, kabupaten Karangasem. ithi rontal indik brata.